Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Antzerki performance ikastaroa Metrokoadroka: "Tartean dauden gorputzak"

“Tartean dauden gorputzak”METROKOADROKA: Oier Guillan eta Javien Barandiaranen eskutik


Gorputza eta buruaren artean, definizioa eta indefinizioaren artean, profesionala eta amateurraren artean, kalitatea eta probokazioaren artean, egia eta fikzioaren artean, eszenatokia eta publikoaren artean, aktorea eta pertsonaiaren artean, pertsonaia eta pertsonaren artean, teatroa dena eta ez denaren artean dagoena ere bada teatroa.


Norberak idatzitako testu laburretatik eta material autobiografikoetatik abiatuta, irudi fisiko poetikoen sorkuntza praktikatuko dugu. Horretarako, performanceari loturiko imaginarioa, idazkuntza kolektiboa eta poesia bisualaren elementuak erabiliko ditugu, aktore-sortzailearen baliabideetan sakontzeko xedez. Ikastaroko sormen prozesua. Hari bat proposatuko dugu, gai edo ideia bat nondik tiratu, zeinen inguruan hausnartuko dugun, nork bere aldetik lehenengo -horretarako ariketa edo etxeko lan batzuk planteatuko ditugu, era kolektiboan gero. Partaide bakoitzak bere burua aktore-sortzailetzat har dezan baldintzak ezarriko dira. Elkarren arteko sinergia, partekatutako bibrazio bat eratuko dugu, zeinetik oholtzan landuko ditugun materialak sortuko diren. Partaide bakoitza lagunduko dugu dena eta daukanatik oholtzan dirudiena eta eskaintzen duenaranzko bidaian. Bidai hau indibiduala izango da eta aldi berean kolektiboa. Obra bat idatziko dugu gure gorputzekin, gure testuekin, gure oroitzapenekin, gure galdera eta zalantzekin. Obra bat zeinean zerbait gertatuko den. “Bidai baten erdian, geu” izango den zerbait.


Metrokoadroka kolektiboa 2008ean sortu zenetik esperimentazio jarraian jardun gara, antzezlanak taularatzearekin batera: Miss Karaoke, Mr. Señora, Su izan nahi, Salto, Poza, Hura ez da lekua… Gure lanaren oinarriak honako hauek izan dira: umore absurdoa, performancea, poesia bisuala. Poesiaren elementuak oholtzara eramateari garrantzia handia eman izan diogu beti. Poema batek eduki ditzakeen elementuak gorputzera eramaten saiatu gara: erritmoa, musikaltasuna, irudikolpeak, metaforak, fragmentazioa, niaren agerpena, edertasunaren bilaketa. Horregatik, gure sormen prozesu kolektiboak irudi poetiko fisikoen sorkuntzatik abiatzen dira, horietatik abiatuta sortzen eta idazten ditugu pixkanaka eta kolektiboki lan eszenikoak.


Oier Guillan Bermudez (Donostia-Orereta, 1975). Idazlea, kazetaria, antzerkigilea. Hainbat liburu kaleratu ditu poesia eta antzerkiaren arloan, azkenak Ate hautsiak (Arabako Foru Aldundia, 2008), Eskuen sustraiak (Susa, 2009) eta Herio heroi/Arra.Arraroa (Artezblai, 2010), Hura ez da lekua (Txalaparta, 2012), Elkartasun basatia (Susa, 2013), Mr. Señora (Txalaparta, 2016) eta Zauri


Bolodia (Txalaparta, 2018). 2008tik Metrokoadroka kolektiboko partaidea da, bertako kideekin taularatu ditu aktore zein zuzendari gisa Miss Karaoke, Poza, Su izan nahi, Salto eta Zertarako Hegoak bezalako lanak. Dejabu panpin laborategia, Anakrusa eta Rouge Elea taldeekin kolaboratu du, eta Gabrielen lekua eta Nola belztu behar zuria emanaldi hibridoetako kide izan da.


Javier Barandiaran (Donostia, 1969) Ados Teatroa, Trapu Zaharra, Théâtre du Rivage, Théâtre du Versant, Hika eta Huts Teatroa-rekin aritu ondoren, Genève-ko L’Alakran-Oscar Gómez Mata-rekin dabil egun La Conquête de l’Inutile antzezlanarekin biran, baita Rouge Eléa-ren Ceci est la couleur de mes rêves-ekin. Aldi berean, bere sormen kaotikoa libre utzi eta J.B. Pedradas zigilupean dihardu, neurri txikiko hainbat ikuskizun sortuz. Hala nola, Errare Hvmanvm Est, Pepinos Podridos (en el frigo), No Estoy Para Nadie, Aquí va a venir un cataclismo (El diario de Montse Miguèlez) eta Bélmez, azken hau karteleran oraindik. Metrokoadrokarekin aktore-sortzaile jardun da Poza, Salto eta Su Izan Nahi lanetan eta zuzendari artistiko Zertarako hegoak, Gabrielen lekua eta Miss Karaoke lanetan.


NORI ZUZENDUA?


Poesia bisuala gorputzetik eszena gainean landu nahi duten sortzaileentzat. Aktoreak lehenetsiko dira, baina zabalik egongo da edozein arte diziplinetan dabiltzanei ere: musikariak, idazleak, artista plastikoak…


GALDERAK, ZALNTZAK ETA INFO GEHIAGO ESKURATZEKO:


reservas@salabaratza.com


KONPAINIARI BURUZKO INFORMAZIOA


www.metrokoadroka.eus


PDF-a Informazio guztiarekin: Tartean dauden gorputzak

Hasiera data:2019-07-26
Bukaera data:2019-07-28

Ordua: Ostirala 17:00-21:00 Larunbata eta igandea 10:00-14:00 16:00-20:00
Helbidea: Baratza Aretoa, Vitoria-Gasteiz

Antzerki performance ikastaroa Metrokoadroka: "Tartean dauden gorputzak"

Altitudea: 42.850629

Latitudea: -2.67509

Open data Euskadi

104 aldiz ikusita

2019ko ekainaren 12an 04:14etan

Aisia buruzko sarrerak Euskadiko agendan

+ Sarrera ezabatu / aldatu + Gehitu dohako sarrera agendan